Lagay ng panahon, mananatiling maalinsangan sa darating na weekend ayon sa Pagasa
Read Time:1 Minute, 5 Second
Patuloy na makakaranas ng maaraw na panahon sa pagpasok ng Abril dahil sa patuloy na epekto ng easterly winds ayon sa state weather bureau.
Dagdag pa ng Philippine Atmospheric, Geophysical and Astronomical Services Administration (Pagasa), walang namumuong sama ng panahon sa ngayon sa loob ng Philippine area of responsibility (PAR).
“Sa ngayon nananatiling mababa ang tiyansa na magkaroon tayo ng bagyo sa loob ng ating Philippine area of responsibility sa susunod na tatlong araw dahil sa ngayon wala naman taong namamataang low pressure area sa loob at labas ng PAR,” wika ni Pagasa weather specialist Patrick Del Mundo sa kanilang public weather forecast.
Patuloy na magiging maalinsangan ang panahon pagdating ng tanghali at hapon ayon sa Pagasa.
Bagamat patuloy na umiiral ang easterlies o ang mainit na hangin mula sa karagatang Pasipiko, may posibilidad ng pulo-pulong pag-ulan, pagkidlat, at pagkulog pagdating ng hapon o gabi dagdag ni Del Mundo.
Sa tala ng Pagasa, posibleng umabot sa 34 degrees ang temperatura dahil pa rin sa epekto ng dry season.
Dahil sa matinding tag-init, pinapayuhan ang lahat ng magsuot ng preskong damit at uminom ng tubig maya’t maya para maiwasan ang heat stroke.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Bim has been a journalist for television, radio, print, and online for many years covering business and news beats. He believes in the power of a good story.
0
0
