Pagtalaga sa Antipolo Cathedral bilang ‘International Shrine’, nakatakda na
Read Time:1 Minute, 1 Second
Puspusan na ngayon ang paghahanda ng The Antipolo Cathedral para sa nakatakdang banal na deklarasyon ng katedral bilang isang “international shrine.”
Natanggap ng naturang simbahan mula sa Holy See ang opisyal na decreee noong March 13, kasabay ng ika-sampung anibersaryo ni Pope Francis bilang pinuno ng Simbahang Katolika.
“It’s official. We are now elevated into an international shrine,” pahayag ng simbahan. “The decree has been sent to us by the Holy See and will be effective by March 25, 2023.”
Kasabay din ng naturang deklarasyon sa March 25 ang anibersaryo ng paglalayag ng imahe ng Our Lady of Peace and Good Voyage mula sa bayan ng Acapulco sa Mexico 397 na taon na ang nakalipas.
Sa bisa ng naturang papal decree, ang National Shrine of Our Lady of Peace and Good Voyage o mas kilala sa Antipolo Cathedral ang magiging unang International Shrine sa Southeast Asia at pang-labing isa sa buong bansa.
“We are now in full anticipation of the solemn declaration of our international shrine in the coming months,” dagdag pa ng simbahan.
Kilala ang naturang imahe ng Mahal na Birhen na dinarayo ng mga deboto at ilang namamanata na nais humiling ng gabay at proteksyon bago ang kanilang paglalakbay.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Bim has been a journalist for television, radio, print, and online for many years covering business and news beats. He believes in the power of a good story.
0
0
